A Concelleria de Servizos Sociais de Porto do Son levará a cabo o vindeiro 18 de febreiro o Circuíto Termal- Balneario Compostela para os maiores do noso concello. Unha actividade moi recomendable para a saúde nos nosos maiores, xa que moitos expertos recomendan facer exercicio dentro da auga debido a que a sinxela inmersión facilita a mobilidade articular e evita as lesións, mellora notablemente as doenzas como a artrite e a auga quente relaxa e alivia as dores musculares e mellora a circulación.
Esta actividade será totalmente gratuíta para aquelas persoas que participen, posto que está dirixida a xubilados e pensionistas maiores de 55 anos, persoas todas elas que levan ás súas costas unha longa traxectoria de traballo e este tipo de actividades fanse coma un pequeno recoñecemento.
0 comentarios:
Publicar un comentario