01 julio 2013

Trìptico do Albariño - 2ª Etapa. Triunfo de Anxo Lorenzo

http://www.fgalegaciclismo.es/

O ciclista Sub 20 do C Ciclista Padronés, Anxo Lorenzo foi o gañador final do Tríptico - II Ruta do Viño Albariño que se disputou este fin de semana nas localidades de Meaño e Cambados. Anxo Lorenzo fraguou o seu triunfo nos quilómetros finais ao aliarse con dous bos compañeiros de ataque, Marcos González (Dip. León) e Daniel López (C.C. Cambre) interesados en disputar a etapa e colaborando conxuntamente por sacar diferenzas con respecto á un pelotón no que pouco puido facer o Liberty Seguros cos seus efectivos minguados polo traballo de responder a un ataque anterior dun grupo de sete homes no que tamén estaba integrado o propio Anxo Lorenzo e que alcanzaría unha máxima distancia de 47 segundos. A vitoria da etapa parecía ter o nome de Daniel López, xa que é un dos máis rápidos do pelotón sub 23, e así fué. Impúxose na meta de Cambados con suficiente folgura a Marcos González e Lorenzo alzou os brazos como gañador do Tríptico 2 segundos máis tarde. David Riveiro (Liberty) tivo que conformarse co liderado júnior, o que non está nada mal, podendo comprobarse ademais o potencial do traballo de conxunto dos portugueses. As Metas Voantes foron para Daniel López e a Montaña para Samuel Rodríguez (G.D. Froiz). Entregaron os premios o Alcalde Cambados, D Luis Aragunde, o Presidente da Federación Galega de Ciclismo, D Manuel Tallón e o Presidente do C.C. Cambados, D. Ernesto Falcón.

http://www.fgalegaciclismo.es/clasificaciones.pdf



0 comentarios: