:logo-lvg: | Barbanza
No acto, presentado pola rianxeira Esther Carrodeguas na casa da cultura, tamén se entregarán os Sereos
O mundo da cultura comarcal ten unha nova cita esta semana da man da asociación Barbantia. Será o sábado, na casa de cultura de Lousame, lugar escollido para a presentación do oitavo volume de Barbantia. Anuario de Estudos do Barbanza 2012. O acto terá lugar ás 12.30 horas e estará conducido pola rianxeira Esther Carrodeguas. Ao mesmo tempo darase a coñecer o número 80 de A Voz de Barbantia.
A alcaldesa de Lousame, Teresa Villaverde, e un representante da Deputación de A Coruña, organismo que colaborou na edición, acudirán ao encontro, no que intervirán o presidente de Barbantia, Xesús Laíño, e Manuel Cartea, un dos coordinadores do anuario e vicepresidente da entidade.
A publicación inclúe na súa parte final un capítulo dedicado aos actos culturais que Barbantia levou a cabo na bisbarra no último ano, dende outubro do 2011. O limiar é obra de X. Ricardo Losada. Nunha primeira parte hai seis artigos, obra de José Antonio Vázquez Vilanova, Pedro García Vidal, Ramón Blanco, Xoán Pastor Rodríguez Santamaría e Daniel Bravo.
Baixo o título Aires de fóra figuran dous artigos, Pierre Jean Jouve. Poemas, traducido por Eme Cartea, e As dúbidas de Xosé sobre María, cunha tradución de Cristina Mourón Figueroa.
Na última parte do libro figuran Barbantia, ano VII, onde se fai un repaso polas actividades feitas nestes doce meses, así coma un apartado dedicado a numerosas publicacións aparecidas na comarca relativas a aspectos culturais ou patrimoniais.
Premios á cultura
No mesmo acto entregaranse os Premios Barbantia da Cultura, os Sereos. Nesta ocasión, os galardoados son Xoán Mariño Reino, que recibirá o galardón pola súa traxectoria cultural na bisbarra. Mariño Reino, natural de Outes, é o comisario do Ano Añón que se leva a cabo no municipio, destaca pola súa faceta como investigador e escritor.
Pola súa banda, a Sociedade Liceo de Noia recibirá o Sereo á iniciativa cultural. Trátase da entidade con máis socios na bisbarra barbancesa e destaca polo intenso labor que realiza ao longo de todo o ano coa programación de diversas actividades.
Finalmente, a Xosé Ramón Barreiro, historiador ribeirense que presidiu a Real Academia Galega, entregaráselle o premio Barbantia da cultura galega.
O mundo da cultura comarcal ten unha nova cita esta semana da man da asociación Barbantia. Será o sábado, na casa de cultura de Lousame, lugar escollido para a presentación do oitavo volume de Barbantia. Anuario de Estudos do Barbanza 2012. O acto terá lugar ás 12.30 horas e estará conducido pola rianxeira Esther Carrodeguas. Ao mesmo tempo darase a coñecer o número 80 de A Voz de Barbantia.
A alcaldesa de Lousame, Teresa Villaverde, e un representante da Deputación de A Coruña, organismo que colaborou na edición, acudirán ao encontro, no que intervirán o presidente de Barbantia, Xesús Laíño, e Manuel Cartea, un dos coordinadores do anuario e vicepresidente da entidade.
A publicación inclúe na súa parte final un capítulo dedicado aos actos culturais que Barbantia levou a cabo na bisbarra no último ano, dende outubro do 2011. O limiar é obra de X. Ricardo Losada. Nunha primeira parte hai seis artigos, obra de José Antonio Vázquez Vilanova, Pedro García Vidal, Ramón Blanco, Xoán Pastor Rodríguez Santamaría e Daniel Bravo.
Baixo o título Aires de fóra figuran dous artigos, Pierre Jean Jouve. Poemas, traducido por Eme Cartea, e As dúbidas de Xosé sobre María, cunha tradución de Cristina Mourón Figueroa.
Na última parte do libro figuran Barbantia, ano VII, onde se fai un repaso polas actividades feitas nestes doce meses, así coma un apartado dedicado a numerosas publicacións aparecidas na comarca relativas a aspectos culturais ou patrimoniais.
Premios á cultura
No mesmo acto entregaranse os Premios Barbantia da Cultura, os Sereos. Nesta ocasión, os galardoados son Xoán Mariño Reino, que recibirá o galardón pola súa traxectoria cultural na bisbarra. Mariño Reino, natural de Outes, é o comisario do Ano Añón que se leva a cabo no municipio, destaca pola súa faceta como investigador e escritor.
Pola súa banda, a Sociedade Liceo de Noia recibirá o Sereo á iniciativa cultural. Trátase da entidade con máis socios na bisbarra barbancesa e destaca polo intenso labor que realiza ao longo de todo o ano coa programación de diversas actividades.
Finalmente, a Xosé Ramón Barreiro, historiador ribeirense que presidiu a Real Academia Galega, entregaráselle o premio Barbantia da cultura galega.
0 comentarios:
Publicar un comentario