¿Qué pasa con todos eses zapatos que xa ninguén usa? Tódolos días chegan a un recuncho dun agochado xardín fantásticas historias, as vivencias que traen consigo unha morea de zapatos de tódolos tamaños e cores. Unha xoven rapaza é a encargada de coidalos, de darlles a benvida ó lugar onde vivirán para sempre, un lugar onde poder compartir emocións coas belas bailarinas, con Pequecho e os seus irmáns, cos namorados, co Sol e a Nube, con centos de compañeiros que teñen moito que contarnos. "Zapatos" narra todas esas historias que levan dentro os zapatos que xa non teñen dono. Obra destinada a nenos entre 1 e 4 anos. Duración: 30 minutos.
Caramuxo teatro presenta o primeiro espectáculo de teatro para bebés realizado en Galicia. Glub Glub conta a historia da amizade entre un barquiño de papel afundido no fondo do mar e un peixe xoguetón. Unha montaxe chea de estímulos e cunha linguaxe sinxela, case xestual que introduce aos máis novos nunha aventura fantástica e sorprendente. Unha oportunidade para disfrutar cos fillos da primeira viaxe polo mundo do teatro. Idade de 6 meses a 3 anos. Duración: 30 minutos.
0 comentarios:
Publicar un comentario