:logo-lvg: | Barbanza
O novo dirixente quere aumentar o protagonismo da organización
Acaba de aterrar como presidente da Federación de Empresarios do Barbanza (FEB), tras ser elixido hai pouco máis dunha semana por unha folgada maioría, e o boirense José Ramón Romero García iniciou unha intensa campaña para pórse ao día en todos os aspectos relativos á patronal comarcal. Xa mantivo varias reunións co persoal da entidade e estableceu contactos para configurar a directiva dunha nova singradura que empeza en momentos difíciles, pero que ten o gran reto de recuperar o prestixio histórico do que gozou a organización empresarial.
-¿Por onde ten que comezar a renovación da FEB?
-O primeiro é establecer unhas bases de traballo e, ao mesmo tempo, examinar a parte económica e ver que proxectos poden levar a cabo. O que está claro é que a FEB debe experimentar un cambio radical e converterse nun referente para cada unha das asociacións empresariais que a integran. Imos realizar un diagnóstico de cada entidade para coñecer os seus proxectos e as súas necesidades. Trátase de elaborar unha radiografía de cada unha, para o que efectuarei visitas a todas elas e, en función dos datos obtidos porase en marcha un plan de acción.
-O certo é que a patronal comarcal está integrada por entidades moi dispares e, algunhas con importantes problemas para seguir en marcha
-Hai que ver en que medida a FEB pode axudalas. É certo que algunhas teñen dificultades para afrontar os seus gastos correntes e hai que mirar que alternativas poden darse.
-¿Pensouse en agrupar asociacións?
-Non, o camiño non vai nesa dirección, polo menos non está previsto. No que si penso é en compartir servizos para aforrar custos. De todos os xeitos, trátase de cuestións que o conxunto de socios debemos valorar. Eu son o presidente, pero eu só, sen o apoio e a implicación dos restantes membros da FEB, non podo facer nada. Iso téñoo claro desde o principio.
-Entendo que a súa intención é que os socios teñan maior protagonismo, que calquera saiba que pode achegar ideas porque serán escoitadas.
-Debemos facer reunións periódicas nas que todos se impliquen. A FEB ten que ser un fervedoiro de ideas. Hai que mellorar as relacións cos socios e temos que crear sinerxías entre todos os membros da FEB. Nesta entidade hai moita xente con iniciativa e seguro que poden desenvolverse proxectos moi interesantes en beneficio da colectividade
-A idea dunha FEB líder é a base do seu plan de acción desde que decidiu aspirar á presidencia.
-A patronal perdeu protagonismo nos últimos anos e temos que recuperalo. A FEB ten que liderar proxectos, non pode ser un mero transmisor de información nin limitarse a organizar un par de citas ao ano. Hai que facer postas en común de iniciativas, unha tormenta de ideas. Nas asociacións que a integran desenvólvense moitos proxectos a nivel individual que poden ter un ámbito comarcal. Ata hai algúns que se duplican, iso non é efectivo. Entre todos é máis fácil conseguir resultados positivos. Hai que traballar unidos.
-O comercio é un puntal importante no conxunto de asociacións, ¿cal é a súa aposta nese sentido?
-A FEB pelexará para que se manteñan as axudas ao pequeno comercio e traballará para que este colectivo sexa máis competitivo. Está a pasar por momentos difíciles debido á recesión e á competencia das grandes superficies. É preciso que conte con toda a axuda posible.
-¿Hai algún outro aspecto polo que aposte de xeito decidido neste novo proxecto?
-A formación, tanto dirixida ao sector empresarial como a persoas que se atopen en paro e precisen da actualización de coñecementos para acceder ao mercado laboral. A ABE, por exemplo, xa traballa neste campo desde hai tempo e creo que é moi positivo. É necesario desenvolver accións formativas sectoriais e intersectoriales. Neste sentido, considero que poden aproveitarse moito os servizos que ofrece a Confederación de Empresarios da Coruña. Neste colectivo hai profesionais especializados e creo que aproveitalo iría en beneficio de todas as asociacións.
-¿Conseguirá o ansiado cambio de rumbo da Federación de Empresarios?
-Teño plena confianza niso. Desde logo por falta de empeño pola miña banda non vai ser. Estou envorcado con este proxecto pero, insisto, a cooperación de todos é esencial.
José Ramón Romero García presidente da Federación de Empresarios do Barbanza
Relacionada
«La intención no es pedirles a los socios el pago de una cuota para la patronal comarcal»
Acaba de aterrar como presidente da Federación de Empresarios do Barbanza (FEB), tras ser elixido hai pouco máis dunha semana por unha folgada maioría, e o boirense José Ramón Romero García iniciou unha intensa campaña para pórse ao día en todos os aspectos relativos á patronal comarcal. Xa mantivo varias reunións co persoal da entidade e estableceu contactos para configurar a directiva dunha nova singradura que empeza en momentos difíciles, pero que ten o gran reto de recuperar o prestixio histórico do que gozou a organización empresarial.
-¿Por onde ten que comezar a renovación da FEB?
-O primeiro é establecer unhas bases de traballo e, ao mesmo tempo, examinar a parte económica e ver que proxectos poden levar a cabo. O que está claro é que a FEB debe experimentar un cambio radical e converterse nun referente para cada unha das asociacións empresariais que a integran. Imos realizar un diagnóstico de cada entidade para coñecer os seus proxectos e as súas necesidades. Trátase de elaborar unha radiografía de cada unha, para o que efectuarei visitas a todas elas e, en función dos datos obtidos porase en marcha un plan de acción.
-O certo é que a patronal comarcal está integrada por entidades moi dispares e, algunhas con importantes problemas para seguir en marcha
-Hai que ver en que medida a FEB pode axudalas. É certo que algunhas teñen dificultades para afrontar os seus gastos correntes e hai que mirar que alternativas poden darse.
-¿Pensouse en agrupar asociacións?
-Non, o camiño non vai nesa dirección, polo menos non está previsto. No que si penso é en compartir servizos para aforrar custos. De todos os xeitos, trátase de cuestións que o conxunto de socios debemos valorar. Eu son o presidente, pero eu só, sen o apoio e a implicación dos restantes membros da FEB, non podo facer nada. Iso téñoo claro desde o principio.
-Entendo que a súa intención é que os socios teñan maior protagonismo, que calquera saiba que pode achegar ideas porque serán escoitadas.
-Debemos facer reunións periódicas nas que todos se impliquen. A FEB ten que ser un fervedoiro de ideas. Hai que mellorar as relacións cos socios e temos que crear sinerxías entre todos os membros da FEB. Nesta entidade hai moita xente con iniciativa e seguro que poden desenvolverse proxectos moi interesantes en beneficio da colectividade
-A idea dunha FEB líder é a base do seu plan de acción desde que decidiu aspirar á presidencia.
-A patronal perdeu protagonismo nos últimos anos e temos que recuperalo. A FEB ten que liderar proxectos, non pode ser un mero transmisor de información nin limitarse a organizar un par de citas ao ano. Hai que facer postas en común de iniciativas, unha tormenta de ideas. Nas asociacións que a integran desenvólvense moitos proxectos a nivel individual que poden ter un ámbito comarcal. Ata hai algúns que se duplican, iso non é efectivo. Entre todos é máis fácil conseguir resultados positivos. Hai que traballar unidos.
-O comercio é un puntal importante no conxunto de asociacións, ¿cal é a súa aposta nese sentido?
-A FEB pelexará para que se manteñan as axudas ao pequeno comercio e traballará para que este colectivo sexa máis competitivo. Está a pasar por momentos difíciles debido á recesión e á competencia das grandes superficies. É preciso que conte con toda a axuda posible.
-¿Hai algún outro aspecto polo que aposte de xeito decidido neste novo proxecto?
-A formación, tanto dirixida ao sector empresarial como a persoas que se atopen en paro e precisen da actualización de coñecementos para acceder ao mercado laboral. A ABE, por exemplo, xa traballa neste campo desde hai tempo e creo que é moi positivo. É necesario desenvolver accións formativas sectoriais e intersectoriales. Neste sentido, considero que poden aproveitarse moito os servizos que ofrece a Confederación de Empresarios da Coruña. Neste colectivo hai profesionais especializados e creo que aproveitalo iría en beneficio de todas as asociacións.
-¿Conseguirá o ansiado cambio de rumbo da Federación de Empresarios?
-Teño plena confianza niso. Desde logo por falta de empeño pola miña banda non vai ser. Estou envorcado con este proxecto pero, insisto, a cooperación de todos é esencial.
José Ramón Romero García presidente da Federación de Empresarios do Barbanza
Relacionada
«La intención no es pedirles a los socios el pago de una cuota para la patronal comarcal»
0 comentarios:
Publicar un comentario